Liverpooli, City dhe Celticu dënohen nga UEFA

19:13 | 17 Tetor 2019
Arbresh Info

Liverpooli, Manchester City dhe Celticu janë ndëshkuar nga UEFA për incidentet që kanë ndodhur në ndeshjet e fundit evropiane.

“Redsat” janë gjobitur me 10 mijë euro për “hyrje të shikuesve në fushë” pasi një numër i tifozëve vrapuan gjatë dhe në fund të ndeshjes në shtëpi të zhvilluar në kuadër të Ligës së Kampionëve kundër Red Bull Salzburgut, transmeton portali arbresh.info.

Lexo edhe: Lionel Messi i përgjigjet sfidës së Cristiano Ronaldos për largim nga Barcelona

Salzburgu është gjobitur me 3.250 euro pasi tifozët e tyre hodhën objekte në fushë gjatë disfatës 3 me 2 në Anfield.

City është detyruar të paguaj 15.750 euro për problemet e shkaktuara nga tifozët gjatë ndeshjes në Etihad ndaj Dinamo Zagrebit – të cilët janë dënuar me një gjobë më të rëndë prej 20 mijë eurove.

Celticu është gjobitur me 12 mijë euro nga UEFA për fishekzjarrët e hedhur gjatë fitores 2 me 0 në Evropa Ligë ndaj Clujit./arbresh.info/